Японы мэргэжлийн сумогийн Хару башёгийн 12 дахь өдрийн барилдаан амжилттай болж өнгөрлөө. Өнөөдөр энэ сарын башёг тэргүүлэгчид хооронд учраа таарсан сонирхолтой барилдаанууд өрнөлөө. Тэмцээнийг нэг ч уналгүйгээр тэргүүлж байсан Ёкузона Харумофүжиг Озеки Какүрю Ананд окуридаши мэхээр давлаа. Ёкузона Хакухо мөн л тэмцээнийг тэргүүлэгчдийн эгнээд байсан Озеки Кэсиносатотай барилдаж дэвжээнээс түрж гаргах мэхээр төвөггүйхэн даваа авсан юм. Ингэснээр Хару башёг 12 дахь өдрийн дараах байдлаар Хакухо аварга нэг ч унаагүй тэргүүлж байгаа бол түүний араас Харумофүжи аварга, Какүрю Ананд нар бичигдэж байна.