"Харанга" хамтлагийн дуучин Х.Лхагвасүрэн дөнгөж сая Ерөнхийлөгчөөс МУГЖ цол тэмдэгээ гардан авлаа. Түүнийг Төрийн ордны гадна фэнүүд болон рок попынхон угтаж аван халуун баяр хүргэсэн. Энэ үеэр түүний баярын сэтгэгдлийг сонслоо.
- Баяр хүргэе. Таны сэтгэгдлийг сонсмоор байна?
- Баярлалаа. Маш их баярлаж байна. Бүх зүйл гайхалтай байна. Төр засагтаа, түмэн олондоо, төрүүлсэн ээж аавдаа, найз нөхөддөө, эхнэр хүүхэддээ, дуунд дуртай монголчууддаа бүгдэд нь баярлалаа. Урт насалж, удаан жаргаж, дуу шиг сайхан амьдраарай.
- Шагнал гардаж авах үедээ яг юу бодож байсан бэ?
- Тун сайхан байсан. Би цэргийн хүн учраас их сайхан санагдсан. Монголчууддаа бүгдэд нь хайртай.
- Ерөнхийлөгч таньд шагнал гардуулах үедээ нилээн олон зүйл хэлээд байх шиг байсан. Яг юу гэж хэлсэн бэ?
- Нууц. Зарим зүйл нууц байж болно шүү дээ. Тийм үү. Дараа нь ил болно шүү дээ.
- Та шагнал гардаж авахаа хэзээ мэдсэн бэ?
- Хоёр хоногийн өмнө эхнэрээсээ сонссон.
Т.Хулан
Сэтгэгдэл (12)