Эдийн засгийн хөгжлийн сайд Н.Батбаяр Оросын Холбооны улсаас Монгол Улсад суугаа Онц бөгөөд Бүрэн эрхт Элчин сайд Азизов Искандер Кубаровичийг хүлээн авч уулзлаа. Энэ үеэр хоёр улсын хооронд хэрэгжүүлж буй төсөл хөтөлбөр, арга хэмжээнүүдийн тухай мэдээлэл солилцож, зарим шийдвэрлэх асуудлын талаар хэлэлцсэн юм.Түүнчлэн манай хоёр орны олон жилийн туршид баримталж буй сайн хөршийн найрсаг харилцаа, стратегийн түншлэлийг цаашид хэрхэн өргөжүүлэн хөгжүүлэх, боломжит төсөл хөтөлбөрийн талаар мөн санал солилцлоо.
И.К Азизов нь 2013 оны есдүгээр сараас эхлэн ОХУ-аас манай улсад суух Элчин сайдаар томилогдон ажиллаж байгаа бөгөөд ажлаа хүлээн авсанаас хойш анх удаа Эдийн засгийн хөгжлийн сайдтай уулзаж буй нь энэ юм.
Сэтгэгдэл (2)