Европын холбоо, АНУ хориг арга хэмжээ авсан хэдий ч ОХУ-ын ерөнхийлөгч Владимер Путин Крымийн хойгийг Украинаас эргүүлэн авсаныг албан ёсоор батлах хуулинд гарын үсгээ зуржээ. Европын холбоо Украинтай нягт хамран ажиллахаар болсон бол АНУ-ын эрх баригчид ОХУ, Украины 21 төрийн дээд албан тушаалтан, бизнесмэнүүдийн долларын гүйлгээг хаасан юм. Одоо Европын холбооны 100 гаруй хүний эрхийн ажиглагчид зургаан сар гаруй Украины тэмцэл өрнөж буй есөн мужид ажиллах эрхтэй болжээ. Эдгээр ажиглагчид Крымд ажиллахгүй ч Германы гадаад хэргийн сайд ОХУ-аас буцаан авахад туслах алхмуудыг хийнэ гэдгээ мэдэгджээ. Брюселль хотноо цугларсан удирдагчид Оросоос нефтийн хувьд хамааралтай байдлыг багасгахын тулд чадах бүхнээ хийнэ хэмээн зөвшилцлөө. Мөн Оросын 21 эрхмийн дансны гүйлгээг зогсоосноор эдийн засагт нь сөрөг нөлөө үзүүлнэ гэж тооцоолжээ. Энэ хооронд НҮБ-ын ерөнхий нарийн бичгийн дарга Бан Ги Мүн Украины ерөнхийлөгч Виктор Янукович эрх барьж байх хугацаандаа 4 тэрбум доллар хувьдаа завшсаныг буруутгаад Крымийн газар нутгийг ОХУ булаан авах явдлыг хэзээ ч хүлээн зөвшөөрөхгүй гэдгээ мэдэгджээ. Энэ хооронд Москва хот, Крымд галын наадам зохион байгуулж, шинэ засаг захиргаатай болсоны баяраа тэмдэглэж байна. Ерөнхийлөгч В.Путин барууны эрх баригчдад ОХУ-ын газар нутаг огт хамаагүй гэдэг байр суурь дээрээ хатуу зогсож байгаа билээ. Ийнхүү В.Путины үйлдлийг зогсооход хожимдсоныг дахин харууллаа.
Сэтгэгдэл (39)