Америкийн дунд сургуулийн сурагчдын 16 хувь, хуулийн мэргэжлээр суралцагчдын 26 хувийг хар арьстнууд эзэлдэг байна. Мөн сургууль дээрээ хэрэг төвөг тарьсан хүүхдүүдийн 31 хувийг хар арьстнууд эзэлдэг болохыг судалгаагаар тогтоожээ. АНУ-ын боловсролын хэлтсээс бүх сургуулиудын дунд судалгаа явуулан цагаан арьст хүүхдүүдээс харь арьстнуудад илүү их шийтгэл оноодог болохыг илрүүлсэн байна. Хоёр жилд нэг удаа явуулдаг энэхүү судалгаагаар хар арьст хүүхдүүдийг хамгийн их сургуулиас хөөдөг гэсэн дүгнэлтэнд хүрсэн байна. Тодруулбал цагаан арьст хүүхдүүдийн 5 хувь, хар арьстнуудын 16 хувь нь сургуулиасаа хөөгджээ. Мөн сургуульд элсэн орохдоо хахууль төлөхөөс гадна өнгөт харьстай багш нар хавьгүй бага цалин авдаг зөрчил хэд хэдэн сургууль дээр илэрчээ. Америкт 1954 онд боловсролыг ялгавартайгаар олгохыг хориглож, 1964 оны иргэний эрхийн хуулиар боловсролыг бүх нийтэд тэгш хүртээнэ хэмээн заасан байдаг. Гэвч энэ зарчим алдагдаж, боловсролыг ялгавартайгаар олгож байгааг хүний эрхийг хамгаалагчид шүүмжилдэг. Мөн нийгмийн халамж, хууль хяналтын системд хүртэл ялгавар гаргах явдал тасрахгүй байна. Тухайлбал, хөгжлийн бэрхшээлтэй хар арьст таван оюутан тутмын нэг нь нийгмийн халамж хүртэж чаддаггүй гэнэ. Түүнчлэн орон нутагт хар арьст хүүхдүүд сургууль завсардах явдал цагаан арьстнуудаас 20 хувиар өндөр ажээ. Нэгэн судалгаанд Америкийн нийгэм дэхь арьс өнгөөр ялгаварлан гадуурхах үзэл 1950-иад оныхоос ялгаагүй болсон гэдгийг дурджээ. Америкийн ядуу орлоготой иргэдийн нийт орлогын талаас илүү хувийг 20 хүрэхгүй гэр бүл эзэмшиж, баян хоосны ялгаа ихсэхийн зэрэгцээ ялгаварлан гадуурхалт арилаагүй хэвээр байна.
Сэтгэгдэл (15)