Азийн хоккейн холбооноос зохион явуулдаг “Challenge Cup” олон улсын тэмцээнээс манай хоккейн шигшээ баг хүрэл медаль хүртжээ.

Энэ сарын 16-нд АНЭУ-ын нийслэл Абу Даби хотноо эхэлсэн энэхүү тэмцээнд Тайланд, Тайвань, Хонконг, Кувейт, Монгол болон АНЭУ-ын зургаан баг өрсөлдсөн юм.

Тэд эхний тоглолтоо Тайваны багтай хийж 7 онооны зөрүүгээр хожигдсон ч удаах гурван тоглолтонд дараалан ялалт байгуулсан юм. Ингэснээр манай тамирчид медалийн төлөө тоглох эрхтэй болсон бөгөөд өчигдөр АНЭУ-ын багтай мөнгөн медалийн төлөө тоглож ялагдсанаар хүрэл медаль хүртсэн байна.