"c" зориулсан үндэсний бөхийн барилдаанд аймгийн хурц арслан Ч.Батчулуун найм даван түрүүллээ.Казак түмний хаврын баяр "Наурызын баяр"-т зориулсан Улсын заан Т.Авдыгаж агсны нэрэмжит аймаг цэргийн цолтой бөхийн барилдаан гуравдугаар сарын 21-нд Монгол бөхийн өргөөнд боллоо.
Барилдааныг "Таван богдын бүргэдүүд" дэвжээ МҮБХ, Баян-Өлгий аймгийн ЗДТГ, Баян-Өлгий аймгийн нутгийн зөвлөл, Өлгийн хүчтэн сантай хамтран зохион байгуулав. Барилдааныг нээж УИХ-ын гишүүн, Төрийн байгуулалтын байнгын хорооны дарга, Баян-Өлгий аймгийн нутгийн зөвлөлийн дарга А.Бакей үг хэлэв.
Барилдаанд аймгийн хурц арслан Ч.Батчулуун, Ш.Мөнгөнбаатар, Б.Одгэрэл, А.Сүмбээ, Т.Занданбат, аймгийн арслан Ё.Эрдэнэжаргал, М.Баярсайхан, Б.Хашбат, Б.Батхуяг, Б.Суманчулуун, Л.Шинэбаатар, Б.Хадбаатар, Б.Серик, М.Еркебулан нарын тэргүүтэй аймаг цэргийн цолтой 256 бөх зодоглосноос Төв аймгийн Баяндэлгэр сумын харьяат Дүнжингарав дэвжээ, "Акс херо" компаний бөх, зүүний магнай аймгийн хурц арслан Ч.Батчулуун найм даван түрүүлж, Сэлэнгэ аймгийн Жавхлант сумын харьяат Таванхан дэвжээ, Доолт компаний бөх аймгийн хурц арслан Б.Одгэрэл үзүүрлэлээ. /Хурц арслан Ч.Батчулуун өнгөрсөн жилийн барилдаанд хурц арслан Ш.Шинэбаяртай үлдэн түрүүлсэн./ Шөвгийн дөрөвт Сүхбаатар аймгийн Онгон сумын харьяат Жавхлант дэвжээний бөх аймгийн хурц арслан Ш.Мөнгөнбаатар, Өвөрхангай аймгийн Баянгол сумын харьяат Их Монголын хүчтэн дэвжээний бөх аймгийн арслан Б.Батдорж нар үлдэв.
Зохион байгуулагчдын зүгээс "Улсын цолонд ойрхон бөх"-ийн шагналыг аймгийн арслан Б.Серикт гардуулав. Мөн өнгөрсөн наадмаар аймгийн цол авсан бөхчүүддээ хүндэтгэл үзүүлсэн юм.
Эх сурвалж: undesniibukh.mn
