Улсын Дээд шүүхийн Иргэний хэргийн танхим 2014 оны нэгдүгээр улиралд буюу энэ оны 3 дугаар сарын 24-ний өдрийн байдлаар нийт 254 иргэний хэрэг хүлээн авснаас Ерөнхий шүүгчид гомдол гаргасан 36, хяналтын журмаар гомдол гаргасан 205, шинээр илэрсэн нөхцөл байдлын улмаас хянуулах 12, харьяалал тогтоолгох 1 хэрэг байна.

Хяналтын журмаар гомдол гаргасан 205, шинээр илэрсэн нөхцөл байдлын улмаас хянуулах 12, нийт 217 хэргээс 12 хэргийг хэлэлцэхээс татгалзаж, 165 хэргийг шүүх хуралдаанаар хэлэлцэж, үлдэгдэл хэрэг 40 байна.

Шүүх хуралдаанаар хэлэлцсэн 165 хэргээс 156 хэргийг хяналтын шатны журмаар, 9 хэргийг шинээр илэрсэн нөхцөл байдлын улмаас хянажээ.

Хяналтын шатны шүүх хуралдаанаар хянан шийдвэрлэсэн 156 хэргийн 55,7 хувь буюу 87 хэргийн шийдвэр, магадлал хэвээр үлдэж, 30,7 хувь буюу 48 хэргийн шийдвэр, магадлалд өөрчлөлт оруулж, 11 хувь буюу 17 хүчингүй болж, дахин хэлэлцүүлэхээр буцааж, 2,5 хувь буюу 4 хэргийн шийдвэр, магадлалыг хүчингүй болгож, нэхэмжлэлийг хэрэгсэхгүй болгосон байна.

Шүүх хуралдаанаар хэлэлцсэн 165 хэргийн 61,2 хувь буюу 101 нь Нийслэлийн, 38,8 хувь буюу 64 нь орон нутгийн шүүхийн шийдвэр, магадлалтай хэрэг байна. Орон нутгийн шүүхээс ирсэн хэргийг авч үзвэл Дархан-Уул аймгийн шүүхийн 12, Баян-Өлгий аймгийн шүүхийн 10, Орхон аймгийн шүүхийн 9, Ховд аймгийн шүүхийн 6, Дорнод аймгийн шүүхийн 5, Хөвсгөл аймгийн шүүхийн 4, Өвөрхангай, Сэлэнгэ аймгийн шүүхийн тус бүр 3, Архангай, Булган, Дорноговь, Увс аймгийн шүүхийн тус бүр 2, Говь-Алтай, Өмнөговь, Төв, Хэнтий аймгийн шүүхийн тус бүр 1 хэрэг хянагджээ.