Туялзуур сэлэмний дэлхийн аварга шалгаруулах тэмцээнд манай улсаас шилдэг тамирчин Б.Амарболд оролцохоор болжээ. Тус тэмцээн дөрөвдүгээр сарын гуравны өдрөөс эхлэх бөгөөд Болгарын Пловдив хотноо болох юм. Манай тамирчин тэмцээний өмнөх дэлхийн 50 гаруй орны шилдэг тамирчидтай хамтарсан бэлтгэл хийж байгаа аж. Мөн манай улсын туялзуур сэлэмний шигшээ багийн ерөнхий дасгалжуулагч Б.Ганбаатар тус хамтарсан бэлтгэлийг удирдан явуулах дөрвөн багшийн нэрээр сонгогдсон байна.