ГССҮТ-ийн даргын сонгон шалгаруулалтад  А.Мөнхтайван эмч сонгогсон. Түүнийг хэзээ ажлаа хүлээж авах талаар иргэдийн дунд хүлээлт үүсгээд байгаа. Учир нь ГССҮТ-ын даргын албыг түр хашиж байгаа Ц.Энхбаяр эмнэлэгт хэвтээд ажлаа хүлээлгэж өгч чадахгүй болоод байгаа юм. Тэгвэл энэ талаар эрүүл мэндийн сайд Н.Удвалаас тодруулахад "ГССҮТ-ийн даргыг Төрийн албаны салбар зөвлөлийн сонгон шалгаруулалтаар хийсэн. Үүнд шалгарсан А.Мөнхтайваныг томилуулах хүсэлтийг өргөн барьсан. Ингээд томилгоог хийхийн тулд АТГ, ЦЕГ болон бусад шаардлагатай байгууллагуудаас лавалгааг авч хууль зүйн бүрэн боломжтой гэж үзсэн учраас бүрэн эрхийнхээ хүрээнд уг албанд томилж, хуучин дарга Ц.Энхбаярыг үүрэгт ажлаас нь чөлөөлсөн. Гэтэл ажил хүлээлцэх явцад А.Мөнхтайван өчигдөр өргөдөл өгсөн. Уг өргөдөлд “Ар гэрийн шалтаанаар энэ ажлыг хүлээж авч чадахгүй" гэсэн. Тиймээс хүсэлтийг харгалзан чөлөөлсөн" гэв.

Тиймээс тэрбээр тус албанаас чөлөөлөгдөх хүсэлт гаргасан учир дахин сонгон шалгаруулалт хийгдэнэ. Тэгэхээр удахгүй ГССҮТ-ийн даргыг сонгох ажлыг Төрийн албаны салбар зөвлөл шийдэх юм.