Хан-Уул дүүргийн 3 дугаар хороо, Эрчим хүчний яамны агуулахаас химийн бодис үнэртээд байна гэсэн дуудлагын дагуу Аврах ангийн Аврах шуурхай салбарын бүлгийг гаргаж тусгай багажаар хэмжилт хийхэд ямарч химийн бодис илрээгүй тул зөвлөгөө өгөөд буцсан байна. Мөн Баянгол дүүргийн 2 дугаар хороо, Тээврийн дээд сургуулийн хашаанд хог шатаж байна гэсэн дуудлагыг 17:12 цагт өгснөөр Аврах, гал унтраах 10 дугаар ангийн 2 дугаар тасгийг гаргаж унтраасан.

Түүнчлэн, Сонгинохайрхан дүүргийн 20 дугаар хороо, Нефтийн 30-н айлын орон сууцны хажууд дулааны худагт хог шатаж байна гэсэн дуудлагаар Аврах, гал унтраах 26 дугаар ангийн тасгийг гаргаж унтраасан бол Чингэлтэй дүүргийн 1 дүгээр хороо, Улсын их дэлгүүрийн баруун талд хог шатаж байна гэсэн дуудлагыг 02:47 цагт өгснөөр Аврах, гал унтраах 10 дугаар ангийн 2 дугаар тасгийг гаргаж унтраасан.