ОХУ-ын иргэн монгол хамтран амьдрагч эмэгтэйгээ зэрлэгээр зодож хөнөөсөн хэрэг гарсан талаар хэвлэл мэдээллийн хэрэгслээр цацагдсан. Тодруулбал, Равдан Борис Михайлович хэмээх ОХУ-ын иргэн Баянзүрх дүүргийн 1-р хороо, Мамбадацангийн 1а хэсгийн 8-40 тоотод хамтран амьдрагч монгол эмэгтэй А-г зодож хөнөөн орныхоо урдуур куртик нөмрүүлээд хаячихсан байсныг цагдаагийнхан илрүүлсэн гэж мэдээлсэн. Тэгвэл энэ талаар ЦЕГ-ын хэвлэл мэдээллийн төвийн ахлах байцаагч, цагдаагийн ахмад Ё.Лхагвасүрэнгээс тодруулахад "Ийм хэрэг огт гараагүй. Худал мэдээлэл байна" гэв.