Өнөөдөр инээдмийн баяр. Тэгвэл энэ өдөр хүмүүс нэгнийгээ инээлгэж, хуурч, янз бүрийн сюрприз барьдаг уламжлалтай. Хамгийн гол нь өнөөдөр хэнбугай нь ч хэнээрээ ч тоглож болно гэдэг бичигдээгүй хуультай. Тэгвэл байнга олны анхаарлын төвд байдаг гэж хэлж болох О.Баасанхүү гишүүнийг УИХ-ын дарга З.Энхболд "аймшигтай" хуурчээ. Хоёр эрхмийн "4 сарын 1"-ийн паянгаас дэлгэхэд, "О.Баасанхүү гишүүн рүү З.Энхболд даргын туслах утасдаж "Таны өргөн барих гэж буй хуулийн төслийг УИХ-ын дарга гардаж авахаар боллоо.  Та яаралтай ирж хуулийн төслөө өргөн барина уу" гэжээ. Энэ мэдээллийг сонссон О.Баасанхүү гишүүн яарч, сандран хамаг л ажлаа хойш тавьж З.Энхболд даргын өрөөний гадна иртэл таны хуулийн төслийг хүлээж авах боломжгүй гээд буцаажээ. Ийн О.Баасанхүү гишүүн 4 сарын 1-ний "том" бэлгээ жинхэнэ утгаар хүртэв бололтой. Юутай ч өнөөдөр хамгийн их хууртагдсан хүнээр О.Баасанхүү гишүүн ийн тодорлоо.