Унгарын нийслэл Будапешт хотноо болсон хөнгөн атлеткийн ахмадын ДАШТ-ээс манай 76 настай тамирчин Т.Цэрэндолгор гурван алтан медаль хүртжээ.

Тэрээр тэмцээний бөөрөнцөг, жад, зээрэнцэг гэсэн гурван төрөлд өрсөлдсөн бөгөөд төрөл бүртээ тэргүүлж гурван алтан медалийн эзэн болсон байна.

Дээрхи тэмцээнд дэлхийн аварга шалгаруулах тэмцээнд 72 орны 426 ахмад мастерууд оролцсон юм.

Сонирхуулахад Т.Цэрэндолгор Бельгид зохион байгуулагдах Дэлхийн цомын аварга шалгаруулах тэмцээнд оролцохоор Будапешт хотоос Брюсель хот руу морджээ.