Торонтогийн Хөрөнгийн биржид бүртгэлтэй “Erdene Resource Development”-ийн 2013 оны санхүүгийн тайлан гарчээ.

Компани өнгөрсөн онд 2.7 сая ам.долларын цэвэр алдагдал хүлээсэн бөгөөд энэ нь 2012 оныхтой харьцуулахад 4.6 сая ам.доллараар буурсан үзүүлэлт аж. Түүнчлэн тус компани өнгөрсөн онд Монгол Улсад хэрэгжүүлж байгаа “Алтан нар” төсөлд 453 мянган ам.доллар, "Зуун мод" төсөлд 615 мянган ам.доллар зарцуулсныг тайландаа тусгаад өнгөрсөн онд явуулсан хайгуулын ажлаа энэ онд үргэлжлүүлэн хийхээр төлөвлөсөн байна.