Өнөөдөр болох зарим үйл явдлыг танилцуулж байна.

09.00 цагт Монголын Хуульчдын холбооны Өмгөөлөгчдийн хороо, Монголын Өмгөөлөгчдийн холбооноос “Өмгөөлөгчийн мэргэжлийн нэр хүнд” сэдэвт дугуй ширээний ярилцлагыг зохион байгуулах гэж байна. Хэлэлцүүлэг Монголын Хуульчдын холбооны / Төрийн ордны баруун талд/ 304 тоотод болно.

09.00 цагт Монголын оюутны холбооноос зохион байгуулж буй 4500 оюутны флаш моб өнөөдөр Чингисийн талбайд болно.

09.30 цагт Шинжлэх ухааны академи, Байгаль орчин, ногоон хөгжлийн яам хоорондын хамтын ажиллагааны санамж бичиг, Байгаль орчны нээлттэй мэдээллийн жилийн ажлын хүрээнд Биологийн хүрээлэнгийн ургамлын биотехнологийн лаборатори, БОНХЯ-ны Цэвэр технологи Шинжлэх ухааны хэлтэс хамтран "Ургамлын биотехнологи-2014" эрдэм шинжилгээний бага хурал ШУА-ийн хүрээлэнгүүдийн нэгдсэн байрны хурлын танхимд болно.
 
10.00 цагт Нийслэл, дүүргийн ИТХ-ын дарга нарын ээлжит уулзалт  /4,3/ Налайх дүүрэгт болно. Уулзалтаар энэ жилийн хот тохижилтын чиглэлээр хийх ажлын талаар танилцуулж санал солилцоно. Уулзалтад НИТХ-ын дарга Д.Баттулга, Улаанбаатар хотын Ерөнхий менежер Б.Бадрал, Улаанбаатар нэгтгэлийн дарга Д.Энхсайхан нар оролцоно.

11.00 цагт Аялал жуулчлал, зочлох үйлчилгээний салбарын "Хорека" үзэсгэлэн, "Найрсаг Улаанбаатар" олон улсын тэмцээн  Мишээл экспод болно. ОУ-ын тэмцээнд дээд зэрэглэлийн зочид буудлын үйлчилгээний ажилтнууд 2 өдрийн турш 6 чиглэлээр өрсөлдөнө. Мөн олон сонирхолтой уралдаан, үзүүлбэрүүд болно.

11.30 цагт ҮХАА-н 1 давхарын хурлын зааланд хаваржилт болон шүлхий өвчнөөр талаар хэвлэлийн бага хурал болно.

12.00 цагт МҮЭХ цалингийн нэмэгдлийн талаар хэвлэлийн бага хурал хийнэ. Хэвлэлийн хуралд МҮЭХ-ны ерөнхийлөгч Х.Амгаланбаатар оролцоно.

12.00 цагт  "HI FI music records"-д "Загасан ширээт тамга" хамтлагийн "Ширээт гал" цомгийн нээлт болно.

14.00 цагт Дэлхийн Зөн Монгол ОУБ-ын “Хүүхдийн Хөгжил Хамгаалал Хөтөлбөр”-ийн дэргэдэх “Хөх тэнгэрийн хүүхдүүд” найрал дууны хамтлагийн 10 жилийн ойн баярын тоглолт  Оросын Шинжлэх Ухаан Соёлын Төв буюу РЦНК-д зохион байгуулагдах гэж байна.
 
14.00 цагт Сүхбаатар дүүргийн ЗДТГ-ын “Хурлын танхимд”-д Хөдөлмөрийн хэлтэс, Замын цагдаагийн хэлтэс хамтран Засгийн газраас хэрэгжүүлж буй “40-с дээш насны иргэдийн хөдөлмөр эрхлэлтийг дэмжих” хөтөлбөрийг хэрэгжүүлэх ажлын хүрээнд 40-өөс дээш насны 32 иргэнийг Замын хөдөлгөөний аюулгүй байдлын ажилтнаар ажиллуулах талаар чиглэл өгч хамтран ажиллах гэрээ байгуулна.
 
Хэвлэлийн хүрээлэнд
11.00 цагт  зах зээлийн нөхцөлд хөрвөх чадвартай, үндэсний чадварлаг маркетеруудыг системтэй бэлтгэхтэй холбогдуулан Эдийн засгийн эрдэмтэн багш нар Монгол улсын хэмжээнд дөрөвдэх жилдээ зохион байуулж буй үйл ажиллагааныхаа талаар мэдээлэл хийнэ.
 
Үндэсний мэдээллийн төвд
12.30 цагт “Монгол улсын төлөө зүтгэе”, “Олон нийтийн хяналт” ТББ-аас улсын үндэсний аюулгүй байдал алдагдсан, эрх зүйн шинэчлэл олон нийтэд хүндээр тусч байгаа тухай хэвлэлийн бага хурал зарлалаа.

Монголньюс мэдээллийн төвд
11.00  цагт Судалгаа, эрдэм шинжилгээний “Стратеги” академиас улс төр, нийгмийн амьдралд хийгдсэн сүүлийн үеийн судалгааны дүнг танилцуулна.

11.30 цагт Иргэний нийгмийн байгууллагуудын “Монголдоо сайхан амьдармаар байна” үндэсний анхдугаар чуулганд оролцогч 109 байгууллага ирэх даваа гаригт жагсаал зохион байгуулах тухай мэдээллийг сонирхоорой.