Фэйсбүүк цахим хуудасны хэрэглэгч бүр групп үүсгэж чадна. Гэхдээ үүсгэсэн группээ хөгжүүлж хэдэн мянган хүнийг араасаа дагуулж чадах нь тун цөөхөн. Тэгвэл 24tsag.mn сайт Монголын фэйсбүүк дэх хамгийн алдартай группуудын админ буюу сонирхол, авьяас чадвараа бусадтай харамгүй хуваалцаж буй хүчирхэг бүсгүйчүүдийг танилцуулж байна.

"Sweetkitchen" группын үүсгэн байгуулагч, админ Б.Тэмүлүн. Түүний групп амтат бялуу, хоол хийх дуртай эсвэл хийж сурахыг хүссэн 91 мянган гишүүнтэй.

“Номонд дурлагсдын Фейсбүүк дахь холбоо” группын үүсгэн байгуулагч, админ Б.Тунгалаг. Тэрээр өөртэйгөө адилхан 35 мянган номонд дурлагсдыг нэгтгэж чаджээ.

“Make up by Mongolian girls” группын үүсгэн байгуулагч, админ С. Үүрийнтуяа. Эмэгтэйчүүд хаана байна тэнд гоо сайхан оршин байдаг нь хууль. Тэрээр энэ төрлийн мэдээлэл туршлагаа хуваалцах групп байдаггүйг соргогоор анзаарсан бөгөөд түүний групп жил гаруйхан хугацаанд 28 мянган бүсгүйчүүдийг араасаа дагуулсан байна.

“LET IT SHINE!” группын үүсгэн байгуулагч, админ Н.Хандрэгзэн. Гоолиг сайхан бие галбиртай болохыг хүсдэггүй хүн гэж үгүй. Тэгвэл энэ бүсгүй тэрхүү нууцаасаа бусдад зааж зөвлөсөөр өдгөө 26 мянган гишүүнтэй томоохон группын админ болсон юм.

“Mommy Central” группын үүсгэн байгуулагч, админ Ж.Мандхай. Тэрээр ээж болсон, болох гэж байгаа 17 мянган гишүүнтэй.