Үндэсний цэцэрлэгт хүрээлэн, "Туяа иога" төвөөс санаачлан "Эрүүл орчин-Идэвхтэй Хөдөлгөөн” сэдэвт өглөөний дасгалын аяныг эхлүүлжээ. Хүн бүрт нээлттэй тус аян энэ дөрөвдүгээр сарын амралтын өдрүүдийн турш Үндэсний цэцэрлэгт хүрээлэнгийн төв талбайд үргэлжлэх бөгөөд ингэхдээ өглөөний 09:00 цагаас эхлэн багштайгаар дасгал хөдөлгөөн хийх юм.
ТА ЭНЭХҮҮ 1 САРЫН АЯНД ХАМРАГДАХЫН АЧ ХОЛБОГДОЛ
-Амралтын өдрүүдийг гэр бүл, хамт олноороо зөв зохистой өнгөрүүлэх
-Стресснээс ангижирч сэтгэл, санаа тогтворжин анхаарал сайжирна
-Эрч хүчтэй, эрүүл чийрэг болгох, сэтгэл санаагаар унахаа болих, ядаргаанаас салах, толгой өвдөхөөс ангижирна
-Цусны эргэлт сайжирч, өндөр даралт буурч, уушгины багтаамж нэмэгдэнэ
-Уур уцаар багасч, тайван амгалан болж, амьдралын эрч хүч нэмэгдэнэ
-Биеийн уян хатан байдал, сунгалт сайжирч, хөшингө байдлаас гарна
-Яс, булчин, үе мөчний үйл ажиллагаа идэвхижиж, бэхжинэ
-Дархлал сайжирч өвчлөлөөс сэргийлнэ
-Бие хөнгөрч, нойрондоо сайжирна
-Эрүүл мэнддээ хөрөнгө оруулалт хийх
-Амьдралын идэвхи санаачилгатай болох, архаг өвчинөөс салах зэрэг болно.
Дашрамд сонирхуулахад Үндэсний цэцэрлэгт хүрээлэнд иргэдийн ая тухтай эрүүл орчинг цогцлоохын тулд 2.5 км дугуйн болон гүйлтийн зам, явган хүний замыг барьсан бөгөөд 22 нэр, төрлийн 100,000 гаруй мод, бут сөөгийг арчлан ургуулж байгаа юм.
24tsag.mn
