Хүн төрөлхтөний спортын их баяр, хөл бөмбөгийн дэлхийн аварга шалгаруулах тэмцээн энэ оны зургадугаар сард Бразил улсын нийслэл Рио Де Жанейро хотноо эхэлнэ.

Дэлхий даяар 7 тэрбум хүн хүсэн хүлээж, шимтэн үздэг тус тэмцээнийг дэргэдээс нь биш ч эх орондоо телевиз, мобайл, интернэтээр хүлээн авах боломжийг “ETV” телевиз болон “АПУ” компани, “Боргио” брэнд хамтран Монголын хөлбөмбөгийн хорхойтнуудад олгох гэж байна. Тэмцээнийг онцгой эрхтэй, шууд дамжуулах бөгөөд хамтын ажиллагааны эхлэл болгон  өнөөдөр “АПУ” компанийн Борлуулалт Маркетинг хариуцсан захирал Г.Баярхүү, “ETV”телевизийн ерөнхий захирал Ц.Энхбат нар  хамтын ажиллагааны гэрээг үзэглэлээ.

Хөлбөмбөгийн спорт манай улсад өөрийн гэсэн орон зайг эзлэн, хөгжлийнхөө түвшинд явж байгаа бөгөөд АПУ компанийн зүгээс эх орондоо багийн спортыг хөгжүүлэх, тэр дундаа хөлбөмбөгийн спортын хөгжилд өөрийн хувь нэмрийг оруулах, залуу үеийг тус спортод дур сонирхолтой болгох зорилгоор МХБХ-той ес дэх жилдээ хамтран ажиллаж байгаа ба “Үндэсний Нийслэл Лиг”, “Боргио CUP” болон “Супер цом” зэрэг томоохон тэмцээнүүдийг уламжлал болгон зохион байгуулсаар ирсэн. Цаашид ч хөлбөмбөгийн спортыг Монголдоо хөгжүүлэн үндэсний хэмжээний спорт болгох чиглэлд дэмжин ажиллаж, өөрийн хувь нэмрээ оруулсаар байх болно. Ингээд ДАШТ-ний нээлтээр FAN ZONE-д уулзацгаах л үлдлээ.