“Гал үндэстэн” холбооны тэргүүн Ц.Мөнхбаяр нарын гомдлыг өнөөдөр Нийслэлийн шүүхэд хэлэлцэж байгаа нь иргэдийн  ярианы гол сэдэв болоод байна гэхэд хэлсдэхгүй.  
Мэдээж эдгээр хүмүүсийг 22 жилээр ялласныг ихэнх хүмүүс шүүмжилж байгаа ч ингэж яллах нь зөв гэж үзэж байгаа хүмүүс ч байгаа. Тэгэхээр хүмүүс өөрсдийнхөөрөө л шүүхийн шийдвэрийг үнэлж дүгнэж байгаа хэрэг.
Мөн УИХ-ын гишүүд ч өнөөдөр  Ц.Мөнхбаяр нарын талаар ярилгүй сууж чадсангүй бололтой. Эхнээсээ эхлээд  тус холбооныхныг өмөөрөх нь өмөөрч, буруутгах нь буруутгаж дуугарч эхэлж байна.
 Тухайлбал, УИХ-ын гишүүн Г.Уянга шүүх хурлаас ч өмнө Ц.Мөнхбаяр нартай уулзсан сурагтай байхад О.Баасанхүү гишүүн тэдний ялыг арай л хүндэдсэн хэмээн үг чулуудаж сууна.
О.Баасанхүү гишүүний хэлэхдээ ““Гал үндэстэн”-ийнхнийг ялласан 22 жил бол арай л чанга. Учир нь тэд төрийн ордонд сууя гэж буу барьж тэмцээгүй. Тэгэхээр эдийн засгийн шаардлага, улс төрийн шаардлага хоёроо ялгах хэрэгтэй” гэв. Юутай ч тэдний давж заалдах шүүх хурлын шийдвэр тун удахгүй гарна.