Язгуур урлагийн “Хөсөгтөн” хамтлагийн таван жилийн ойн баяр энэ онд тохиож буй. Тэд ойн баярынхаа хүрээнд урлагийн сургуулийн оюутан залуучуудад үнэ төлбөргүй лекц, концертийг зохион байгуулахаар болжээ.

Концерт энэ сарын 18-нд 17:00 цагаас СУИС-ийн “Оюутан” театрд болох бөгөөд концертонд Төрийн соёрхолт, МУГЖ Д.Сосорбарам урилгаар оролцож “Өөрийгөө танихуй” лекцээ хүргэх гэнэ.

Сонирхуулахад “Хөсөгтөн” хамтлагийн хөгжимчид болох МУСТА Ч.Амарбаясгалан, Г.Адъяадорж нар ирэх сарын 13-нд ДБЭТ-ын тайзнаа 19:00 цагаас “Ирмүүн хэмнэл” хэмээх тоглолтоо толилуулахаар болжээ. Мөн ирэх намар тус хамтлагийнхан ойн нэгдсэн тоглолтоо хийх юм байна.