Өнөөдөр чуулганы хуралдаанаар Ерөнхийлөгч Ц.Элбэгдоржийн өргөн барьсан Засгийн газрын гишүүн УИХ-ын гишүүнээр давхар ажиллахгүй байх буюу “давхар дээл”-ийг дан болгох хуулийн төслийг хэлэлцэнэ. Тус хууль бол Шинэчлэлийн Засгийн газрын сайд бүхэнд хамаатай. Харин зарим нэг сайд уг хуулийг хэлэлцэх эсэхийг огт тоолгүйгээр гадаадад амарч яваа сурагтай.

Тодруулбал, ХАХНХ-ын сайд С.Эрдэнэ Европын орнуудаар аялахаар гэр бүлийн хамтаар уржигдар Улаанбаатараас хөдөлсөн байна. Тэрбээр тус аялалаа Арабын нэгдсэн Эмират улсаас эхлүүлж байгаа аж.

Ямартай ч Засгийн газрын хувь заяаг шийдэх чухал асуудал түүнд огт хамаагүй бололтой. Эсвэл асуудал өөрсдийнх нь талд шийдэгдэнэ гэдгийг аль эртнээс тооцоолж тайвширсан уу. Уг нь ажил үүргийнхээ хариуцлагыг бодоод тус хуулийн төслийг хэлэлцэх үеэр байлцах нь Засгийн газрын гишүүний үүрэг байлтай.