Төрийн соёрхолт яруу найрагч О.Дашбалбарын мэндэлсний 57 насны ойд зориулсан “Эх орон, оюун санаа-яруу найраг” наадам өнгөрсөн амралтын өдрүүдэд Сүхбаатар аймагт боллоо.

Эхний шатнаас шалгарсан 40 гаруй найрагчид гурван даваагаар шүлгээ уншсанаас  яруу найрагч Ай.Төмөр-Очир, яруу найрагч М.Минжинсайхан тэргүүн байр эзэлж, яруу найрагч Ц.Оюундэлгэр,  Т.Дарханхөвсгөл удаалж, Л.Лхагвасүрэн, Ч.Энхтөр 3 дугаар байр эзэлж, их найрагчийн төрсөн нутаг Наран сумын дунд сургуулийн сурагч Н.Оюунтуяа  тусгай шагнал хүртсэн байна. 

Харин уран уншлагын төрлийн сүүлийн шатанд 16 хүүхэд багачууд О.Дашбалбарын шүлгийг тайзан дээр уран яруу уншиж сургуулийн насныхнаас  Баруун-Урт сумын 4 дүгээр сургуулийн 10 дугаар ангийн сурагч А.Наранбаяр, Баяндэлгэр сумын дунд сургуулийн 8 дугаар ангийн сурагч  Ө.Янжинлхам, цэцэрлэгийн насныхнаас Баруун-Урт сумын  6 дугаар цэцэрлэгийн З.Нандин-Эрдэнэ, 7 дугаар цэцэрлэгийн Г.Түвшинбаяр нар шалгарчээ.