Газрын харилцаа геодизи зураг зүйн газрын дарга А.Хүрэлшагайгаас дараах зүйлийг тодрууллаа.

- Амины орон сууц, үйлдвэр барих  асуудал дээр төлөвлөлт байх хэрэгтэй. Төлөвлөлтгүйгээр газрыг авсан учраас эргээд төлөвлөлтийн асуудал яригдаж байна.  Бэлчээр тариалан гэхээр шал өөр асуудал болно. Суурьшилт хийж болох гэдэг дээр судалгаа шинжилгээ хийсний дараа өмчлөх асуудал хийдэг юм. Нийслэлд эмх замбааргүй газар олголтыг хийж байна, төлөвлөлтгүй суурьшил гэж яриад байдаг. Суурьшлыг хэрхэн төлөвлөлт болгох асуудлыг зохион байгуулж байна.

-52 байршилд газар олголт хийх гэж байгаа. Энэхүү байршил  хэр хэрэгцээтэй  вэ?
-Ер нь хүрэлцэхгүй. Үе шаттайгаар дахин төлөвлөлтийг хийнэ. Хөдөө орон нутагт ажил хөдөлмөр эрхэлж болох байршлыг тогтоож, иргэдийг суурьшлуулах ажлыг хийнэ. Улсын болон  орон нутгийн зам дагуу иргэдэд өмчилж болох байршлыг  хийсэн байгаа. Одоо Сэлэнгийн сав газрын бүсэд иргэд ажиллаж амьдарч болох байршлыг судлаж байна.
 
-Газар өмчлөх асуудал дээр юу саад болоод байна вэ?
- Иргэд газраа өөрийн хөрөнгө өмч гэдгээ мэдэхгүй байна. Мөн нягтлан бодох бүртгэлдээ бүртгүүлдэггүй. Зах зээлд шилжсэнтэй холбогдлуулан хаана эдийн засаг зах зээл нүүж эхлэнэ, тухайн газар нутгийн байдлаас хамаарч хаана ямар  үйлдвэрлэл үйлчилгээ  явуулах вэ гэдгийг нягтлаж үзэх хэрэгтэй юм.

-Жирийн иргэд газар авахад нэлээд хүндрэл гардаг. Үүнийг өөрчлөх боломж  байна уу?
-Дэд бүтэц хөгжсөн газарт эрх мэдэлтэй,  бизнес эрхлэж байгаа чадалтай хүмүүс нь газраа авчихсан байдаг. Харин  жирийн иргэд  газар олдоггүй юм. Иймээс газар дээр зах зээлийн сэтгэлгээ байхгүй байна. Бид газар эзэмшүүлэхдээ газар олгох эрх гэж олгодог юм. Газрын багц хуулийг Засгийн газар, УИХ-д өргөн барьсан байгаа. Хуулинд эдгээр зохицуулалтыг оруулж өгсөн. Харин өмчийн тухай асуудал байгаа. 

-Иргэдээс газар өмчлөх асуудлаас ямар санал, санаачлагууд ирдэг вэ?
  -Иргэд тусгай хамгаалалттай газар нутагт газар өмчлүүлж, суурьшуулж болохгүй гэдэг саналыг ирүүлсэн.