Олон улсын Таеквондогийн Ази тивийн аварга шалгаруулах долдугаар тэмцээнд тулааны төрлөөр цагдаагийн алба хаагч бүсгүйчүүд хүрэл медаль хүртсэн байна.

ОУХМ, Албадан саатуулах төвийн алба хаагч, цагдаагийн ахлах ахлагч Д.Сэлэнгэ, Завхан аймгийн цагдаагийн газрын алба хаагч, цагдаагийн ахлагч ОУХМ С.Будхүү, ИАТ-ийн цагдаагийн хэлтсийн алба хаагч цагдаагийн ахлах ахлагч Н.Энхнаран нар тус бүр жиндээ хүрэл медаль хүртсэн байна. Энэхүү тэмцээнд нийт 20 улсын 400 гаруй тамирчид оролцсоноос Монгол Улсын баг тамирчид 21 хүний бүрэлдэхүүнтэй оролцож, 19 медаль авч томоохон амжилт үзүүлжээ.