Их Британийн Хөрөг барималчдын нийгэмлэгээс жил бүр зохион явуулдаг оны шилдэг нүүр царайг тодорхойлох “FACE-2014” олон улсын тэмцээний финалд монгол залуу өрсөлдөж байна.

Энэ тэмцээнд хоёр уран бүтээлээрээ  оролцсон  Б.Баясгалан тэмцээний гуравдугаар үе шатыг амжилттай давж, финалд шалгарчээ.

Б.Баясгалангийн оролцсон “FACE-2014” тэмцээний шилдэг бүтээлүүд энэ сарын 12-17-нд Лондон хотын “Sladmore Contemporary Gallery”-д үзэгчдийн хүртээл болох юм.

Б.Баясгалан Соёл, спорт, аялал жуулчлалын яамны Гадаад хамтын ажиллагааны хэлтсийн мэргэжилтэн бөгөөд өдгөө Итали улсын Флоренцийн гэгээн Принцийн уран зургийн сургуульд  соёлын бүтээлч үйлдвэрлэлийн чиглэлээр мэргэжил дээшлүүлэх хугацаандаа энэ тэмцээнд оролцож байгаа юм.