Хөгжмийн ертөнцийн халуухан оддын нэг Рианнагийн тухай сонирхолтой баримтуудыг хүргэж байна.

1.    Түүний жинхэнэ нэрийг Робин Рианна Фенти (Robyn Rihanna Fenty) гэдэг бөгөөд Ри-Ри хэмээн өхөөрдөн дууддаг гэнэ.

2.    Тэрээр багадаа “Pоtato” гэж хэлж чаддаггүй байсан.

3.    Хоёр эрэгтэй дүүтэй.

4.    Рианна 7 настайгаасаа эхэлж дуулсан бөгөөд энэ нь түүнийг гэр бүлийн тогтворгүй амьдралын шаналангаа мартахад тусалдаг байсан гэдэг.

5.    Ахлах сургуулиа ч дүүргэлгүй 15 настайдаа хөгжмийн урлагт хөл тавьсан тэрээр дуучин болоогүй байсан бол сэтгэл судлалын чиглэлээр суралцах байжээ.

6.    Тэрээр 15 настайдаа ангийнхаа хоёр охинтой хамтлаг байгуулж байжээ.

7.    Рианнаг реппэр Жэй Зитэй учир ургуулж урлагт хөл тавьсан хэмээн шуугиж байсан. Гэвч Рианна ба Жэй Зигийн гэр бүл найз нөхдийн харилцаатай бөгөөд Бэйонсе бол түүний хүндэлдэг дуучдын нэг юм.

8.    Бэйонсегаас гадна Рианна домогт дуучин Уитни Хьюстон, Мэрай Кери ба Алиша Кис, Эмо хамтлаг “FlyLeaf”, “Deрeche Mоde”, “The Prodigy”, “Chase & Status” нарын уран бүтээлд дуртай гэнэлээ.

9.    2008 оноос Барбадосчууд Рианнагийн нэрэмжит үндэсний өдрийг тэмдэглэн өнгөрүүлэх болжээ. Энэ нь жил бүрийн 02.22-нд бую түүний төрсөн өдөр тохиодог.

10.    Тэрээр “Playboy” сэтгүүлийг төрөлх гоо үзэсгэлэнгээрээ чимэх хэд хэдэн удаагийн саналаас эрс татгалзсан атлаа олныг гайхашруулсан илт нүцгэн хувцаслалтаараа хэвлэлийнхний онцлох бай болсоор байгаа билээ.

11.    Хүнд өвчтэй хүүхдүүдэд туслах зорилготой “Believe” сангаа 2006 онд байгуулсан.

12.   Рианна хүнсний ногоонд тийм ч дуртай биш ба ус их ууж, жимс жимсгэнээр хооллох дуртай гэдэг.

13.   Дуучин бүсгүй шивээсээр биеэ чимэх дуртайг та бүхэн мэдэх байх. Одоогийн байдлаар тэрээр 18 шивээс хийлгээд байгаа аж.

14.   Түүнийг хөгжмийн ертөнцийн түүхэн дэх Мадоннагийн “өнгөт арьст” хувилбар гэх нь цөөнгүй бөгөөд тэрээр өнгөт арьст №2 дахь Мадонна болохыг хүсдэг тухайгаа “Paper” сэтгүүлд өгсөн ярилцлагадаа хүлээн зөвшөөрсөн байна.

15.   Рианнагийн хамгийн ихээр жийрхдэг зүйл нь “сүнс” бөгөөд тэрээр хүн нас бараад төрлөө олохгүй бол чөтгөр болж хувирдаг гэдэгт итгэдэг аж. Тэрээр Холливудын алдарт “The Chateau Marmont” зочид буудлыг сүнстэй гэж дуулснаас хойш ийш зүглэх дургүй болсон гэдэг. 

16.   Уран бүтээлийнхээ хажуугаар кино дэлгэцийн урлагт хөл тавиад амжсан Рианна анх 2006 онд “Bring It On: All or Nothing” кинонд туслах дүрийг бүтээж байсан. Хамгийн сүүлд тэрээр “Home” (2014) кинонд тоглох санал аваад байгаа юм.

17.   Рианна “марихуан” татах нууцхан сонирхолтой нэгэн бөгөөд өнгөрсөн долоо хоногт тэрээр инстаграмдаа хар тамхи татаж буй зургаа нийтэлсэн нь дуулиан тарьсан.

18.   Тэрээр эмэгтэй гэхээсээ илүү эрэгтэй найзууд олонтой бөгөөд хамгийн дотны найзуудаар нь дуучин Кэйти Перри, Мелисса Форде нарыг нэрлэдэг.

19.    Рианна “бикини ваксын” үйлчилгээг насаар ахмад бас Англи хэлээр ярьдаггүй эмэгтэйгээр хийлгэхийг илүүд үздэг гэнэ. Учир нь нэг удаа бикини вакс хийлгэхээр нэгэн салонд ороход өөрөөс нь дүү бас түүнийг мэддэг, дээрээс нь Англи хэлтэй үйлчлэгч охин таарснаас болж нилээд эвгүй байдалд орж байжээ.

20.   Түүний дуртай үнэртэн нь түүний гаргасан “Nude” нэрийн үнэртэн юм.

21.    Амьдралыг “усан цэнхэр” өнгөөр төсөөлөх дуртай Рианна “Diamonds” дуугаа гаргахаас өмнө өөрийн уран бүтээлүүдээс “Umbrella” дуундаа хамгийн их хайртай байсан гэнэ.

22.    “Venus Breeze” брэндээс “Celebrity Legs of a Goddess” өргөмжлөлт шагналыг 2007 онд Рианнад гардуулсан бөгөөд тэрээр энэ үеэр өөрийн хөлийг $1 сая ам.доллараар даатгуулсан юм байна.

23.    Тайзан дээр гарахынхаа өмнө Рианна сандралаа дарахын тулд ус, жүүснээс эхлээд водка, ликёр зэрэг сархад зооглох нь түгээмэл ба торон трикогоор гангарах дуртай нэрт дуучин бүсгүй маань тоглолтынхаа дараа торон трикогоо тайлж 30 минут амардаг гэнэ.

24.    Түүнчлэн Рианна дэлгүүр хэсэх хоббитой ба гутлын цуглуулганд нь бараг 100 гаруй хос гутал байдаг аж.