NBA-гийн плей-оффын хоёрдугаар шат манай цагаар өнөө өглөө эхэллээ.

Нэгдүгээр тойрогт “Атланта Хаукс”-ыг буулган авсан “Индиана Пейсерс” талбайдаа  эхний шатанд “Чикаго”-г 4:1-ээр илүүрхсэн “Вашингтон Визардс”-ыг хүлээн авч, цувралын эхний тулаанаа хийсэн байна.

Талбайн давуу талтай байсан Индиана Пэйсерс багийг Вашингтон Визардс баг 102:96 - ын харьцаатай буулгаж авснаар цувралыг 1:0 - ээр тэргүүлж эхэллээ.

Өнөөдрийн тоглолтод “Вашингтон”-оос Б.Беал 25 оноогоор багаа тэргүүлсэн бол Т.Ариза 22 оноо, Нене 15 оноо, Ж.Уолл 13 оноо, есөн дамжуулалт, М.Гортат 12 оноо, 15 самбар авч багаараа жигд тоглосон юм. Харин “Индиана”-гаас П.Жорж, Ж.Хилл нар тус бүр 18 оноо авсан бөгөөд Д.Уест 15 оноо, 12 самбар авч сайн тоглолт үзүүлсэн боловч бусад нөхөд нь хангалтгүй байлаа.