Нийслэлийн харааны бэрхшээлтэй хүүхдүүдийн 116-р тусгай сургуулийн хүүхдүүдэд бие сэтгэл болоод эд материалын дэмжлэг үзүүлэх зорилготой “Аз жаргалыг сэтгэлдээ мэдэрье” хандивын тоглолт өнөөдөр 18:00 цагаас “АСА Цирк”-д ганцхан удаа болно.

Тоглолтыг зохион байгуулагч "Бусдын төлөө-Залуусын нэгдэл"-ийн залуус энэ талаар "2013 оны хавар тус сургуулийн хүүхдүүд МУИС-ийн урлаг зааланд урлагийн тайлан тоглолтоо хийсэн нь бидний сэтгэлд тодоос тод үлдэж эдгээр хүүхдүүдэд туслах юмсан гэсэн чин хүсэлдээ автсаар үүнийгээ ажил хэрэг болгон хэрэгжүүлж байгаа юм" гэсэн юм.

Хүүхэд залуучуудад тусламж үзүүлэхээр нэгдсэн "Бусдын төлөө-Залуусын нэгдэл" нь албан ёсны 40 гаруй хүний бүрэлдэхүүнтэйгээр үйл ажиллагаагаа явуулж байгаа бөгөөд Монгол улсын их сургууль, Эрүүл мэндийн шинжлэх ухааны сургууль, Шинжлэх ухаан технологийн их сургууль, Их засаг их сургуулт гэх мэт их дээд сургуулиудын төлөөлөл болсон мянга мянган залуусаас бүрджээ.

Та бүхэн энэхүү тоглолтонд хүрэлцэн ирж тэдгээр хүүхдүүдийн сэтгэлийн галыг хамтдаа асаагаарай!

24tsag.mn