24tsag.mn сайт дэлхийн кино ертөнцөд тун удахгүй мэндлэх “шинэ” кинонуудын тухай хүргэж байна.
1. “Godzilla”
“22 Jump Street”
1. “Godzilla”
Warner
Bros болон Legendary Pictures кино компанийн ихээхэн найдлага тавьж
байгаа “Godzilla” энэ сарын 16-нд дэлхий дахинаа нээлтээ хийнэ. Godzilla
киноны найруулагчаар 2010 онд independent төрлийн Monsters киног
найруулж байсан Британи найруулагч Gareth Edwards ажиллаж байгаа юм.
Ингээд трейлерийг нь сонирхоцгооё.
2. “Х man: Days of future past”
Энэ зуны их хүлээлтийн нэг бол “20-р зуун фокс”, “Марвел
энтертаймент”-ийн хамтын бүтээл “Х man: Days of future past” юм. Энэ
нь “Х-man” киноны нэг, хоёрдугаар ангиудын үргэлжлэл буюу хоёрдугаар
ангиас “The Wolverinа” /2013 он/ буюу “Нохой зээх” кино хүртэлх үйл
явдлыг өгүүлэх юм. Киноны ерөнхий найруулагчаар өмнөх ангиудад ажиллаж
байсан Браен Сингер ажиллажээ. Ирэх 23-нд тус киноны дэлхийн нээлт
болно.
3. “Malificent”
“Дисней” кино компанийн сонгодог бүтээлүүдийн нэг “Нойрсож буй гоо
бүсгүй” анх 1959 онд дэлгэцнээ гарч байсан. Тэгвэл тус хүүхэлдэйн
киноноос сэдэвлэсэн бас нэгэн гайхамшигт бүтээл “Malificent” нэртэйгээр
энэ сарын 30-нд нээлтээ хийнэ. Киноны үйл явдал энэ удаад үзэсгэлэнт
гүнжийг биш хорон санаат хатны шидтэнийг тодотгох бөгөөд алдарт жүжигчин
Анжелина Жоли тэрхүү шидтэний дүрийг бүтээж байгаа юм.
“22 Jump Street”
Анх 2012 онд дэлгэцнээ гарсан адал явдалт инээдмийн “21 Jump Street”
киноны дараагийн анги “22 Jump Street” кино ирэх зургадугаар сарын 13
–нд нээлтээ хийхээр товлогдоод байгаа. 42 сая доллараар бүтсэн ч гарсан
даруйдаа 200 сая доллар олсон тус киноны дараагийн ангийг хийх нь
ойлгомжтой байсан юм. Ингээд ахлах ангиасаа л хамтдаа байсаар цагдаа
болцгоосон залуусын дараагийн ажиллагаа 22-р гудамжинд хэрхэн өрнөхийг
тун удахгүй үзэцгээе.
5.Dawn of the Planet of the Apes
"20-р
зуун Фокс" кино компанийн бүтээл "Planet of the Apes" цувралын
дараагийн анги "Dawn of the Planet of the Apes" ирэх долдугаар сарын
11-нээс үзэгчдийн хүртээл болно. Хоёрхон хоногийн өмнө цацагдсан анхны
трейлерээс тус киноны үйл явдал тодорхой харагдахаар байгаа юм.
6. “Люси”
“Юниверсал
пикчерс” кино компанийн бүтээл “Люси” ирэх наймдугаар сарын 8-нд
нээлтээ хийх гэж байна. Саяхан гарсан тус киноны эхний трейлер багагүй
шуугиан тарьсан бөгөөд гол дүрийн жүжигчин Скарлетт Йоханссоныг “action”
кинондоо эргэн ирлээ гэцгээж байна. Мөн кинонд Морган Фрийман болон
Солонгосын жүжигчин Чой Мин Сик тоглож буйгаараа онцлог юм.
7. “Teenage mutant ninja turtles”
Нинжа
яст мэлхийг эвгүй дүрсэлсэн хэмээн шүүмжлэл хүртээд байгаа “Teenage
mutant ninja turtles” кино ирэх наймдугаар сарын 8-нд дэлгэцнээ гарна.
Тус киног Paramount pictures кино компанийн 125 сая доллар зарлагдан
бүтээж байгаа юм.
8. “Дораемон”
Дэлхийн хүүхэд залуусыг байлдан дагуулсан дэлгэцийн цуврал бүтээл болох
“Дораемон” энэ жил бүртэн хэмжээний хүүхэлдэйн кино болж байгаа юм
байна. Кино зохиолыг “Дораемон” цувралын хамгийн анхны зурагт номноос
сэдэвлэн найруулагч Такаши Ямазаки бичжээ. Бүтээл 3D-гээр хийгдэж байгаа
бөгөөд ирэх наймдугаар сард үзэгчдийн хүртээл болно.
А.Наран /24tsag.mn/
