Сүүлийн үед манай улсад барилгаас унах, хөдөлмөр аюулгүй байдлаа сахиж ажлаагүйгээс болж янз бүрийн хэргүүд гарах болсон. Тэгвэл гэр бүлийн маргаанаас болж гэрийнхээ тагтаар үсэрч амиа егүүтгэхийг оролдох үзэгдлүүд ч гарсаар байгааг цагдаагийн байгууллагаас онцолж байна. Тухайлбал, хэдхэн хоногийн өмнө эхнэр, нөхөр муудалцаж маргалдсаны дараа нөхөр нь гурван давхараас унаж бэртжээ.

Мөн "Улаанбаатар сүлжээ" ХК-нд бохирын хоолойн нүх ухаж байгаад шороонд даруулж гэмтсэн хэрэг гарчээ.

  Энэ талаар НОБГ-ын албаны эх сурвалжаас тодруулахад, "Баянгол дүүргийн 20 дугаар хороонд хашаанд шороонд хүн дарагдсан гэх дуудлагыг 10:46 цагт өгснөөр Эрэн хайх аврах салбарын бүлгийг гаргахад бохирын шугам татахаар нүх ухаж байсан  33 настай эрэгтэй биеийн бүсэлхийнээс доош шороонд дарагдсан байсныг аврах ажиллагааг шуурхай зохион байгуулж гарган  ЯТТ 103-ын эмчид шилжүүлж өгсөн" гэв.