Тоглоомын талбайд согтуу гадаадын иргэн өмдөө тайлж хүмүүсийг "нааш ир" хэмээн даллаад байгаа талаарх "гаж" дуудлага цагдаагийн байгууллагад иржээ. Улмаар цагдаагийн байгууллагаас дуудлагын дагуу очиж шалгахад АНУ-ын иргэн М гэгч нь согтуугаар өмдөө шувтлан хүмүүс рүү даллаж байсныг таслан зогсоож шалгаж байгаа аж. Энэ мэт хаврын улиралд гаж сэтгэлгээтэй, янз бүрийн дур сонирхолтой хүмүүс гарч ирж энд тэнд иргэдийг айлган түгшээж, доромжлох зүйл гарч болзошгүй байдгийг албаныхан анхааруулж байна.