Өвөрмонголын иргэн Н.Алхаа Монголын цагдаа нарыг хууль бусаар өөрийгөө хорьж цагдаж, хэрэг тулгахыг оролдсон. Улмаар батлан даалтад гарахад 5 сая төгрөг авчихаад буцааж өгөөгүй гэх мэтээр олон нийтэд мэдээллээд байгаа. Улмаар хүний эрхийн төлөө ажилладаг "Эмнест интернэшл" байгууллагад энэ асуудлаараа ханджээ. Энэ талаар тус төвийн гүйцэтгэх захирал Б.Ариунтуяагаас тодруулахад "Н.Алхаа гэгч иргэн манай байгууллагад хандсан. Бид нарын хувьд яагаад 22 жил Монгол Улсад амьдарчихсан хүнийг Монгол Улсад байх боломжгүй гээд албадан гаргах гэж байна вэ гэдэг дээр анхаарч ажиллаж байна. Энэ хүн 5-6 жилийн өмнө баривчлагдаад эрүүгдэн шүүгдэж байсан гэсэн гомдлыг гаргасан. Өөрөөр хэлбэл, хуулийн шүүхийнхэн энэ хүнтэй зүй бусаар харьцсан гэж хэлж байгаа" гэв.