Монгол Улсын нутаг дэвсгэр дээр их хэмжээний мөнгө угаасан, авлига өгсөн, авсан хэрэгт шүүгдэгчээр татагдсан Газрын тосны газрын дарга агсан Д.Амарсайхан, “Тэнгри холдинг” компанийн захирал Х.Анхбаяр нарын дөрвөн хүний хэргийг шүүх хурал өчигдөр  цагдан хорих 461 дүгээр ангид 10.00 цагт эхэлсэн юм. Шүүгдэгч  Газрын тосны газрын дарга агсан Д.Амарсайхан, “Тэнгри холдинг” компанийн захирал Х.Анхбаяр, Н.Отгонболд, А. Чандмань нарт есөн өмгөөлөгч оролцсон. Эдгээр өмгөөлөгчдөөс О.Сайнгэрэл ирээгүй юм.  Иймээс шүүх хурал эхлэхэд, шүүх хурлын бүрэлдэхүүнд шүүгдэгч Н. Отгонболд, “Миний  өмгөөлөгч ирээгүй. Иймээс шүүх хурлыг хойшлуулах хүсэлтэй байна. Би өмгөөлөгчтэйгээ шүүх хуралд ойролцоно” гэв. Шүүх бүрэлдэхүүн Улсын яллагч н.Сарангэрэлээс ямар саналтай байгааг асуухад  Улсын яллагч н.Сарангэрэл “Шүүгдэгч болон өмгөөлөгчид 90 хувийн ирцтэй байна. Иймээс шүүх хурлыг үргэлжүүлэх хүсэлтэй байна. Яагаад гэхээр шүүх хуралд оролцож байгаа өмгөөлөгчид  Н.Отгонболдод өмгөөлөл үзүүлээд явах боломжтой” гэсэн юм.  Харин өмгөөлөгчид эсэргүүцэж хууль ёсны дагуу өмгөөлөгч байхгүй тохиолдол  шүүх хурал хойшлох ёстой. Бид энэ хүний хэрэгтэй танилцаагүй учраас яаж өмгөөлөл үзүүлэх вэ  гэв. Мөн Х.Анхбаярын гурван өмгөөлөгч  “Х.Анхбаярыг батлан даалтанд гаргах  хүсэлтийг тавьж, биеийн байдал муу байгаа” гэлээ.

Энэ үеэр талийгаач Д.Амарсайханы ахынх нь хүү шүүгчдэгч А.Чандмань “надад оргон зайлах үндэслэл байхгүй. Долоон хоногийн таван өдөрт нь АТГ-ын үүдэнд өнжиж байсан. Ах минь хажууд нас барсан учраас сэтгэл санаа хэцүү байна.  Иймээс намайг батлан даалтад гаргаж өгөөч “ гэв.

Харин шүүгчдэгч Х.Анхбаяр  хэлэхдээ “ Хууль шүүхийн буруутай үйл ажиллагаанаас болж, танил нөхөр маань амь насаа алдсанд их хамарсаж байна. Надад  буруу байхгүй, хууль цагдаагийн байгууллага намайг гүтгэж, 11 сар  хорьж цагдаж байгаад  гомдолтой байна” хэмээв.