Хятад улс байгалийн хийг метр куб тутамд нь 350 доллараар 30 жилийн турш Оросоос нийлүүлэх гэрээ байгуулсантай холбогдуулан байгалийн хий дамжуулахад Орос, Хятадын нутаг дэвсгэрт нийт 77 тэрбум долларын бүтээн байгуулалт хийхээр болжээ. Хятад байгалийн хийн нийт хэрэглээнийхээ гуравны хоёрыг Оросоос нийлүүлэхээр болсон нь манай улсад ашигтай байж чадах уу? гэдгийг хүн бүр сонирхон харж байна. Орос, Хятадыг холбосон хийн хоолойг барихдаа Монголоор дайруулах вий гэсэн найдлага олон нийтэд байсан юм. Гэвч байгалийн хийн төсөл зургийг харахад Монголоор дайрахгүй нь тодорхой байна.
Орос 2015 оноос эхлэн Хятадад жил болгон 38 тэрбум шоо метр хий нийлүүлж эхэлнэ. Хятадаас Орос руу чиглэх 400 тэрбум долларын урсгалыг Монголоор дайруулна гэдэг манайд эдийн засгийн том боломж. Оросууд хэзээнээс хийн хоолойг манайхаар дамжуулж тавихыг зөвшөөрдөг байсан хэдий ч Хятад улс Зянь Земинь даргын үед хүлээн зөвшөөрдөггүй байсан юм. Энэ байр суурин дээрээ ч хатуу байгаа нь Краснаярск, Балангск, Эрхүү, Якуви, Владивостокоор дамжуулан хийн хоолой тавих төлөвлөгөөт зурагнаас харагдаж байна. Азид хамтын ажиллагааг бэхжүүлэх гишүүн орнуудын бага хуралд манай ерөнхийлөгч Ц.Элбэгдорж хоёр хөршийн удирдлагуудтай уулзахдаа энэ асуудлыг сөхөж ярьсан бололтой. Мөн ерөнхий сайд Н.Алтанхуяг Оросод айлчилсан нь хийн хоолойг Монголоор дамжуулах асуудлыг нааштайгаар эргүүлэхэд хувь нэмэртэй гэдгийг ажиглагчид хэлж байна. Хоёр хөршийн дамжин өнгөрүүлэх тээврийг өөртөө ашигтайгаар эргүүлж байж эдийн засгаа сэргээнэ. Энэ алтан боломжийг алдаж болохгүй гэж судлаачид хэлж байна.
Сэтгэгдэл (30)