Баянзүрх дүүргийн 17 дугаар хороо, Эрдэнэтолгойн 9 дүгээр гудамжинд байшин шатаж байна гэсэн дуудлагаар  Аврах, гал унтраах 63 дугаар ангийн тасгийг гаргахад 60х10 метрийн хэмжээтэй 2 давхар байшингийн 1 дүгээр давхарт хана, эд зүйл шатаж байсныг унтраасан байна. Мөн Сүхбаатар дүүргийн 19 дүгээр хороо, Хандгайтын задгайд гэр шатаж байна гэсэн дуудлагаар  Аврах, гал унтраах 34 дүгээр ангийн тасгийг гаргахад 6 ханатай гэр, эд зүйл шатаж байсныг унтраажээ. Түүнчлэн, Чингэлтэй дүүргийн 12 дугаар хороо, Булгийн 19 дүгээр гудамжинд гэр шатаж байна гэсэн дуудлагаар Аврах, гал унтраах 10 дугаар ангийн 1 дүгээр тасгийг гаргахад 5 ханатай 2 гэр, эд зүйл шатаж байсныг унтраасан байна.