ШШГЕГ-ын алба хаагч 5 дугаар сарын 27-ны өдөр Төрийн банкны орчмоос 4200 доллар, 380000 төгрөгтэй нэгэн түрийвч олсон даруйдаа Чингэлтэй дүүргийн цагдаагийн хэлтэст аваачиж өгсөн байна.

Удалгүй түрийвчний эзэн сандарсаар тус цагдаагийн хэлтэст очиход түрийвчийг нь хүлээлгэн өгсөн байхыг хараад ихэд гайхан баярлажээ. Түрийвчний эзэн “Хурд” хамтлагийн гитарчин Б.Наранбаатар түрийвчийг нь олж өгсөн ачтанд баярласнаа илэрхийлэхээр асууж сураглахад ШШГЕГ-ын алба хаагч Батзориг гэдэг залуу байсан байна.

Гитарчин Б.Наранбаатарын түрийвчинд хүүхдийн эмнэлгийн тоног төхөөрөмж авах хандивын мөнгө байсан аж.