“Тэнгри холдинг” компанийн захирал Х.Анхбаяр, Газрын тосны газрын дарга агсан Д.Амарсайхан агсан нарын дөрвөн хүнд холбогдох хэргийг шүүх хурал өчигдөр Цагдан хорих 461 дүгээр ангид боллоо. Гэвч шүүх хурал шүүгчдэгчийн өмгөөлөгч шүүх хуралдааны дэгийг зөрчин, дур мэдэн шүүх хурлыг орхисон гэх шалтгаанаар ирэх зургадугаар сарын 5-ныг хүртэл хойшилсон юм.

Шүүгдэгчдийг өмгөөлж буй есөн өмгөөлөгч "Д.Амарсайхан агсныг амь насаа алдахад уг хэргийн шүүгчид, улсын яллагч нар тодорхой хэмжээгээр буруутай" гэж үзэж байгаагаа илэрхийлэн, Шүүх хуралд  оролцож буй шүүгч нараар хэргийг шийдвэрлүүлэхээс татгалзах хүсэлтийг өчигдөр гаргасан юм. Энэ хүсэлтийг Дүүргийн эрүүгийн хэргийн анхан шатны хоёрдугаар шүүхийн ерөнхий шүүгч хүлээн авахаас татгалзаж, шүүх хурлыг үргэлжлүүлэх шийдвэрийг үдээс хойш гаргасан ч  шүүгчдэгч Х.Анхбаярын өмгөөлөгч энэ шийдвэрийг эсэргүүцэн, шүүх хурлын танхимыг орхин гарсан юм. Юутай ч өдгөө хоригдож эдгээр хүмүүсийн биеийн байдал тааруу байгаа аж. Тиймээс эхний ээлжинд "Тэнгри холдинг" компанийн захирал Х.Анхбаярыг хорих 461 дүгээр ангийн эмнэлэгт хэвтүүлж, өвчин намдаах эм бэлдлэм өгч байгаа аж. Түүний хувьд нуруундаа хоёр том хавдар гарсан байдалтай, нүд нь өвчилсөн байгаа гэнэ.