Украины салан тусгаарлагчид, Засгийн газрын хооронд гал зогсоох гэрээ байгуулсан ч зөрчил даамжирсаар байгаа тул цэрэг илгээхээр ярилцаж байгаа талаар Германы албаны эх сурвалж мэдээлэв. Улс төрийн шийдэлд хүрвэл Украины аюулгүйн нөхцөл байдлаас хамаарч илгээх цэргийнхээ тоог тогтоно гэв. Германы “Bild” сонины мэдээлж буйгаар уг даалгаврыг биелүүлэх 200 цэргийг бэлтгэсэн ажээ. Тэдний 150 нь нисэгчгүй байлдааны онгоцын тусламжтайгаар нөхцөл байдлыг хянах, үлдсэн 50 нь аюулгүй байдлыг хангах үүрэг гүйцэтгэх юм. Өнгөрсөн сард Франц, Германы арми Украин руу нисэгчгүй байлдааны онгоц илгэхээр тохиролцсон билээ. Харин энэ удаа хяналтын албаныхныг нэмж илгээснээр гал зогсоох гэрээ жинхэнэ утгаараа хэрэгжинэ гэж таамаглаж байна.