2014 оны Нобелийн анагаахын шагналын эздээр Норвегийн гэр бүлийн хосууд болох Мозер ба Америкийн эрдэмтэн Жон О"Киф нар тодорлоо.

    Шагналыг орон зай дахь байрлалыг тогтоон тодорхойлдог тархины эсийн системийг нээсэн Мэй-Бритт Мозер, Эдвард Мозер мөн Жон О"Кифи нарт олголоо хэмээн Нобелийн хорооны сайтад мэдээлжээ.
Тэр системийг хорооны төлөөлөгчид тархин дахь «дотоод GPS» гэж нэрлэжээ. Эрдэмтдийн бүтээл нь “Бид хаана байгаагаа хэрхэн ойлгодог вэ,  нэг газраас нөгөөд очих замаа бид хэрхэн олдог вэ, нөгөө байрандаа бид дахин очсон байхад нөгөө замаа нэн даруй олохын туд мэдээллийг бид хэрхэн тогтоон санадаг вэ” гэсэн асуултуудад хариулт өгөх юм гэж хорооны мэдэгдэлд онцолжээ.
 Энэ оны анхны Нобелийн шагналыг Норвегийн Мозерийн гэр бүлийнхэнтэй хуваалцсан  Жон О"Киф нь олон зууны турш гүн ухаантнууд ба эрдэмтдийн тархийг гашилгаж ирсэн тархи хэрхэн орон зайн зургийг гаргадаг, бид хэрхэн хүрээлэн буй орчноор зам гаргадаг вэ гэсэн асуудлыг шийдэж өглөө.Орон зайн мэдрэмжийн асуудал эртнээс эрдэмтдийн анхааралд байв.