“Исламын улс” бүлэглэл өнгөрсөн долоо хоногт АНУ-ын иргэнийг цаазлахаа мэдэгдэж, видео бичлэгээ олон нийтийн сүлжээнд байршуулсан билээ. Америкийн иргэн Петр Кассинг өнгөрсөн зургадугаар сард Сири улсын төв эмнэлэгт сувилагчаар ажиллаж байхдаа хэт даврагчдад барьцаалагдсан юм. Тэгвэл сувилагчийн аав, ээж хүүг нь суллаж өгөхийг эрх баригчдаас хүслээ. Тэд “Төрийн золиос болж барьцаалагдсан хүүг минь суллахыг чин сэтгэлээсээ хүсч байна. Хүү минь ямар ч буруугүй гэдгийг та бүхэн мэдэж байгаа. Зөвхөн АНУ-ын иргэн гэх шалтгаанаар 26-хан насандаа хорвоогоос явбал бид амьд явж чадахгүй. Гуйж байна, хүүд амьд явах боломж олгооч” гэжээ.