Робертсийн гэр бүл хайрт нохой Дюк нь ясны хорт хавдраар өвчилснийг мэдээд амьдралынх нь сүүлчийн өдрийг маш онцгой өнгөрүүлжээ. Хьюстон хотод амьдардаг Дюк хэмээх хар өнгийн Лабрадор нохой нь остеосаркома хэмээх нохдод нийтлэг тохиолддог ясны хорт хавдраар өвчилсөн юм. Хавдар түүнийг тэсвэрлэхийн аргагүй өвтгөж байсан учир урд хөлийг нь тайрсан байна. Гэвч хавдар улам томорч урган эцэстээ хавиргыг нь авчээ. Ингээд эзэн нь нохойгоо усан парк дээр аваачиж, гамбургер идүүлэн сүүлчийн өдөр нь гэр бүлээрээ цугларсан ажээ. BuzzFeed сайтад Дюк нохойны түүхийг нийтлэсний дараа олон хүн хайртай амьтнаа хэрхэн үдэж байснаа дурсчээ. Дюкийн эзэнтэйгээ хамт зугаалж, гурван хөл дээрээ үсэрч цовхорч байгаа нь өвчнийг давах асар их тэвчээрийг хүмүүст ухааруулсан юм. Сүүлчийн мөчид хайртай дотны хүмүүстэйгээ хамт байсан нохой хүртэл шаналлаа мартан баясаж байна.