Египетийн байлдааны онгоцууд Ливийн зүүн хэсгийг бүслээд байгаа Исламын дайчдыг устгахаар Бенгази хотыг бөмбөгдөж эхэлсэн талаар AP агентлаг нэрээ нууцлахыг хүссэн эх сурвалжаас иш татан мэдээлэв. Энэ үеэр химийн зэвсэг хадгалах танкыг бөмбөгдөж, есөн хүн хүн амь үрэгджээ. Египетийн албаны эх сурвалжийн мэдээлж буйгаар Засгийн газар Исламын дайчдын эсрэг цэргийн ажиллагааг 3-6 сар үргэлжлүүлэхээр төлөвлөсөн байна. Гэхдээ Египетийн ерөнхийлөгчийн төлөөлөгч Алаа Юсефф Ливид онгоц оруулсан гэдэг мэдээллийг эрс үгүйсгэв.

    Ливи улсын дотоод зөрчил даамжирч, исламистуудын түрэмгийлэл ихэссэн ажээ. Одоогийн Засгийн газар Триполид үйл ажиллагаа явуулах боломжгүй болсон учир Тобрук хотод шилжин суурьшсан байна. Исламын дайчидтай Ливийн Засгийн газрын цэргүүд тулалдаж байгаа ч хүчин мөхөсдөж эхэлжээ.