Владимир Путин АНУ-ын ерөнхийлөгч Барак Обамаг Оростой дайсагналцсан хандлага гаргаж, сүрдүүлж байгааг буруутгав. Тэрээр Европын холбооны удирдагчидтай уулзахдаа “Манай эдийн засгийн салбар дахь хязгаарлалтуудыг дайсагнал гэхээс өөрөөр тайлбарлахад хэцүү. Бид Оросыг сүрдүүлсэн үйлдлүүдээ ухамсарлаж, цөмийн зэвсгээрээ хамгийн хүчирхэг хоёр улсын зөрчил тогтвортой байдалд нөлөөлнө гэдгийг санах хэрэгтэй” хэмээн ярьжээ. Харин Барак Обама өнгөрсөн сард НҮБ-ын Ерөнхий Ассамблейн чуулган дээр Орос-Америкийн харилцааны талаар хатуу үг хэлсэн юм. Обама “Оросын зүүн Украин дахь түрэмгийлэл нь Баруун Африкийн Эбола вирусаас илүү дэлхий нийтэд заналхийлж байна” гэжээ. Үүний хариуд Путин Обамаг бусдын хэрэгт хошуу дүрэгч хэмээн нэрлээд Украины хямралыг улам өдөөж байна хэмээн шүүмжилжээ.