Пакистан дахь АНУ-ын нисэгчгүй байлдааны онгоцууд Аль-Кайда бүлэглэлийн алан хядагчдыг устгах зориулалттай. Гэтэл нисэгчгүй онгоцууд энэ зорилгоосоо эрс хазайж, энгийн иргэдийг хөнөөж байгааг “Эрэн сурвалжлах сэтгүүлчдийн товчоо” мэдээлэв. Товчооны мэдээлж буйгаар Пакистан дахь нисэгчгүй байлдааны онгоцуудын довтолгоо энэ оны аравдугаар сарын 11-ний байдлаар 400 хол давжээ.

    Пакистаны Засгийн газраас жил бүр гаргадаг мэдээллийн сангаас үзвэл нисэгчгүй онгоцны халдлагад өртөж амиа алдагсдын 4 хувь нь террористууд байдаг гэнэ. Тодруулбал, 2379 хүн нас барсаны зөвхөн 295 нь ямар нэгэн зэвсэгт бүлэглэлтэй холбоотой болох нь тогтоогдсон байна. Амь үрэгдэгсдийн зөвхөн 84 буюу 4 хувь нь Аль-Кайдагийн гишүүд мөн болохыг баталжээ. Харин 30 гаруй хувь нь ямар ч гэм зэмгүй иргэд байгааг Эмнести Интернэйшнл анхааруулав. АНУ-ын Төрийн нарийн бичгийн дарга Жон Керри өнгөрсөн онд “Террористуудын байг онох гэж гал нээдэг” хэмээн мэдэгджээ. Гэтэл онилсон бай нь буруу болохыг сэтгүүлчид нотолсон байна.