НҮБ-ын Хүний эрхийн дээд комиссар Зейд Раад аль-Хуссейн дэлхийд тархалт нь улам нэмэгдэж, цар хүрээгээ тэлж буй “Исламын улс” бүлэглэл, Эбола вирус гэсэн хоёр тахал байна гэв. Тэрээр Эбола вирусын тархалтыг зогсоох дорвитой алхам хийхгүй бол хүний амь нас эрсэдсэн хэвээр байна гэдгийг анхааруулжээ. Мөн дайны гэмт хэрэгтнүүдиийг шүүн таслах тогтолцоог боловсронгуй болгох шаардлагатай гэдгийг онцолсон байна. НҮБ-ын тооцооллоор энэ оны сүүл гэхэд Сирийн иргэний дайнаар амь үрэгдэгсдийн тоо 200 мянгад хүрэх гэнэ.
Энэ хүнд сорилтуудыг даван туулахад шийдвэрлэх үүрэгтэй улс орнууд олон тэрбумын хөрөнгө мөнгө зарцуулах шаардлагатай болжээ.