Багдад хотын шийт сүмд амиа золиослогч этгээд бөмбөг дэлбэлсний улмаас 18 хүн амиа алджээ. Сүүлийн өдрүүдэд “Исламын улс” бүлэглэлийг эсэргүүцсэн иргэдийн хөдөлгөөн өрнөхтэй зэрэгцэн амиа золиослогчдын халдлага шил дараалан гарсан байна.“Исламын улс” бүлэглэл Сири, Иракт хүчээ авч, Кобане хотын Курд үндэстний дайчидтай тулалдаж байгаа билээ. Олон улсын цэргийн эвсэл Курд үндэстнүүдэд туслаж байгаа хэдий ч хэт даврагчдад дахин бут ниргүүлж эхэллээ.
Энэ хооронд Иракийн арми газрын тос боловсруулах ордын зэргэлдээ орших Байжи хотыг буцаан авахын төлөө тэмцэлдэж байгаа ажээ. Гэсэн хэдий ч хэт даврагчид армийн машинуудыг бөмбөгдөж, дөрвөн цэргийн аминд хүрсэний дараа ажиллагааг түр хугацаагаар хойшлуулав. Ройтерс агентлагийн мэдээлснээр тус бүс нутагт эмх замбараагүй байдал газар авч, нутгийн иргэд орон гэрээсээ дүрвэсээр байгаа гэнэ. Олон улсын цэргийн эвсэл Иракийн армийг техник хэрэгслээр хангаж, хэт даврагчдын эсрэг агаараар довтолж буйн дотор Австрали 200 хүний бие бүрэлдэхүүнтэй тусгай ангийг илгээж, хамгийн том хандивлагч болжээ.
