Нью-Йорк хотод амарч явсан Австралийн жуулчин нэгэн эмэгтэйг 25000 ам.долларын цагийг нь хулгайлж, үтрээндээ нуусан хэрэгт буруутгаж байна. Хохирогч Брентон Прайс энэхүү хэрэгт сэжиглэгдэж буй 25 настай Шакарие Тимстэй өнгөрсөн ням гарагт бааранд танилцаж зочид буудалдаа дагуулан очжээ. Брентон Прайс эмэгтэйгээр зөвхөн массаж хийлгэсэн хэмээн мэдүүлсэн бөгөөд Шакарие Тимс түүний 25000 ам.долларын үнэтэй Ролекс брэндийн цагийг санаатайгаар хулгайлсан гэжээ.

Үүрийн 5.30 цагийн үед Тимс түүний цагийг массаж хийхэд саад болж байгаа тул тайлахыг ятгасан байна. Прайс цагаа тайлснаас хойш 10 минутын дараа алга болсныг мэджээ. “New York Daily News”-ийн мэдээлснээр Прайс цагаа хайж эхлэнгүүт Тимс зочид буудлын өрөөснөөс ум хумгүй гарах гэж оролджээ. Эрэгтэй түүний явах замыг хаасанд хэрэгтэн нүүрлүү нь цохиж гэмтээсэн байна. Тимс зочид буудлаас гарахын өмнө үтрээнээсээ цагийг гаргаад хүлээн авагч ажилтанд өгсөн хэмээн гэрч мэдэгдсэн байна.

Шакарие Тимс нь өмнө нь дээрэм, хулгай, биеэ үнэлсэн хэргээр баривчлагдаж байсан бөгөөд 9 сарын 23-ны өдөр мөн зочид буудалд хамт орсон эрэгтэйгээс зээлийн картыг хулгайлсан хэрэгт буруутгагдаж байжээ.