Тегеран хотын шоронд хоригдож байсан 26 настай Рейхани Жаббари гэдэг эмэгтэйг цаазлан хороожээ. Ираны шүүх цаазын харгис хэлбэр болох дүүжлэх ялыг Рейханид хэрэглэсэн байна. Өөрийг нь хүчиндэхийг завдсан Абдолали хэмээх эрийг нуруунд нь хутгалж хөнөөсөн түүний хэргийг аль аль талаас нь харгалзаж үзэж шийдвэрлэхийг хүний эрхийг хамгаалагч Эмнести Интерэйшнл байгууллага анхааруулж байв. Гэвч бүсгүйн ар гэрийнхний гомдлыг үл харгалзан хохирогчийн гэр бүлийн гомдлыг урьтал болгожээ. Рейханиг хэргээ хүлээснээс хойш хоёр сарын турш шоронд ганцааранг нь хорьж, өмгөөлөгч авах боломж ч ар гарийнхэнд нь олдоогүй гэнэ.