Израйлийн Йерусалим хотын палестин автобусны жолоочийн цогцос машин дотроо дүүжлүүлсэн байдалтайгаар олджээ. Цагдаа нар жолоочийг амиа хорлосон гэж мэдэгдсэн ч ар гэрийнхэн нь энэ хэрэгт Израйльчууд буруутай гэж үзэж байна. Хоёр хүүхдийн эцэг түүнийг амиа хорлох ямар ч үндэслэл байхгүй хэмээн няцаав.
Амиа алдсан жолооч Юссеф аль-Рамоуни нь “Egged” нэртэй Израйль компанид ажилладаг байжээ. Эх сурвалжуудын мэдээлж буйгаар Палестины иргэний үхэл дахин үймээн дэгдэхэд хүргэсэн ажээ. Палестины хүүхэд залуусын жагсаалыг хүчээр тараахыг завдаж буй Израйль цагдаа нарын эсрэг чулуу, галт бөмбөг шидсээр байна. Өнгөрсөн саруудад үүссэн Израйль-Палестины хямрал амиа алдсан таван хүүгийн үхлээс эхлэлтэй юм.